Lyrics des David Dub Soundsystems

Am Feier

Schau eini, schau eini, schau eini und gspiars
Du merkst die wärme, de stimmung und du kapierst
Wos zählt und was ausmocht, wos mit dir passiert
Wie de gluat de brennt, sie brennt und jetzt host das kapiert.
So a feuer des wärmt die, so a feuer macht die Frei
A jetz stickal hoiz was du einischmeißt, tragt zum feeling bei
Wie es verbrennt ned nur de hoiz, es verbrennt a babylon
Und so sitz ma und es gfoit uns, wei wir sand a teil davon

A jetz stickal verbrennt Babylon, a jetz stickal verbrennt die Sorgen
Mit jeder Minute wirst du freier, nachdenken kannst wieder Morgen
Kum hau di her, a platzal is no Frei
Hau di her, ums Feier umma, jo dann bist a dabei

De Gluat gliaht rot, du schaust eini, lasst di hypnothisieren
Da puls senkt sich, jo so a Zufriedenheit kann da passieren
Der ane spüht de trommel und der andre sauft sei bier
Wir mochn uns a gaudi, fad wird uns do niar
De Freiheit spürn, es braucht ned vü, nur a bissal Zeit
Gspiars afoch, sei dabei, i bin ma sicha dass di gfreit
Los die geh, denk ned noch, dawischt hods di eh scho
Jetzt is soweit, de flammen leichten, und du bist Teil davo

A jetz stickal verbrennt Babylon, a jetz stickal verbrennt die Sorgen
Mit jeder Minute wirst du freier, nachdenken kannst wieder Morgen
Kum hau di her, a platzal is no Frei
Hau di her, ums Feier umma, jo dann bist a dabei

Heid verbrennen wir ois, ois was uns stört,
Babylon brennt scho, ganz genau wias sei soit
Und de Kapitalisten brennen a glei mit, jo des is a freid
Heid verbrennen wir ois, ois verbrennen wir heid
Mit an lächeln im Gesicht, oba ehrlich muas des sei
Mit an Stolz im Herz, oba wahr muas er sei
Mit dem Wissen über Tausend Sochn und der Phantasie von am Kind
Mit sehenden Augen, und dem Gspiar ois wärst von Geburt an blind

A jetz stickal verbrennt Babylon, a jetz stickal verbrennt die Sorgen
Mit jeder Minute wirst du freier, nachdenken kannst wieder Morgen
Kum hau di her, a platzal is no Frei
Hau di her, ums Feier umma, jo dann bist a dabei